Санкт-Петербург шаарында чет элдик жарандарга такси айдоочусу болуп иштөөгө убактылуу тыюу салынды. Бул мыйзамга губернатор Александр Беглов кол койду.

Мындай чара жүргүнчүлөрдү ташуу кызматын жакшыртуу жана жергиликтүү жарандар үчүн жумуш орундарын көбөйтүү максатында кабыл алынды.

2025-жылдын аягына чейин патент менен иштеген мигранттар таксиде же айдоочулук кызматтарда иштей албайт. Ал эми компаниялар үч ай ичинде мигрант айдоочулар менен келишимдерди токтотуп, алардын ордуна башка кызматкерлерди табууга тийиш.