Коронавирусту эмдөө жолу менен гана жеңебиз. Бул тууралуу бүгүн, 26-апрелде маалымат жыйында саламаттык сактоо жана социалдык өнүктүрүү министри Алымкадыр Бейшеналиев айтты.
Ал эмдөө ыктыярдуу негизде жана акысыз жүргүзүлүп жаткандыгын белгиледи.
«Өлкөнүн калкынан COVID-19га каршы эмдөөнү активдүү колдоону өтүнөм. Кечээтен бери 65 мобилдик клиника бардык аймактарда эмдөө иштерин жүргүзүп жатышат », — деди ал.
Белгилей кетсек эмдөө Кытайдын “Sinopharm” жана Орусиядан келген «Спутник V» вакциналары менен жүргүзүлүүдө.
