Лабораторияларды экспресс тесттер жана ПЧР диагностика үчүн реагенттер менен камсыздоо боюнча чоӊ иш жүргүзүлүп жатат. Гуманитардык жардам катары коронавирусту аныктоочу 21 миӊ экспресс-тест келди. Жалпы ыкчам диагностикалоо үчүн 60 миӊ тест система бар. Мындай маалыматты бүгүн, 3-апрелде саламаттык сактоо министри Сабиржан Абдикаримов брифингде айтты.
“Азыр бизде 3000 ПЦР аныктоочу тест бар, ошондой эле, кечээ биз Беларусиядан дагы алдык, учурда алардын сапаты текшерилип жатат. Биз лабораторияларды тесттер жана реагенттер менен камсыздоо боюнча активдүү ишти улантуудабыз», — деп белгиледи министр.
