Нарын облусунун Кочкор районунда жол кырсыгынан 9 адам жаракат алды. Бул тууралуу Өзгөчө кырдаалдар министрлигинен кабарлашты.
Маалыматка ылайык, кечээ, 23-июнда Бишкек-Нарын-Торугарт унаа жолунун 173-чакырымындагы Кувакы ашуусунда «Honda Stepwgn» үлгүсүндөгү унаа жол кырсыгына кабылган. Анда айдоочу рулга ээ боло албай, унаа жолдон чыгып ташты сүзгөн.
Натыйжада унаада бара жаткан 5 адам жана 4 бала болуп, баш аягы 9 адам жеңил жаракаттарды алган.
Окуя болгон жерге барган куткаруучулар жабыркагандарга биринчи медициналык жардам көрсөтүп, тез жардам кызматкерлерине өткөрүп берген.
[su_image_carousel source=»media: 32387,32386″ crop=»none» autoplay=»4″]
