Нарын шаарынын мэриясы электр автобустарды сатып алууга тендер жарыялады. Бул тууралуу Мамлекеттик сатып алуулар порталында айтылат.
Маалыматка караганда, 73 млн 360 миң сомго 5 электр автобус жана 3 кубаттоочу жабдык алуу пландалууда.
Тендер боюнча арыздар 14-июлга чейин кабыл алынат.
Автобустар келишим түзүлгөндөн кийин 90 күн ичинде алынып келиши керек.
Эскерте кетсек, буга чейин Нарын облусунун башчысы Алтынбек Эргешов Нарын шаарына электр автобустар сатылып алынарын билдирген. Ал 76 млн сомго тендерсиз 7 автобус сатып алуу пландалып жатканын айткан.
Биздин Телеграм каналга катталыңыз
