Эгемендүүлүк күнүнө карата Ниагара шаркыратмасы Кыргызстандын желегинин түстөрү менен жарыктандырылат

29.08.2025 | 16:41

Кыргызстандын эгемендүүлүгүнүн 34 жылдыгына карата 31-августта Ниагара шаркыратмасы кызыл-сары түстөр менен жарыктандырылат. Бул тууралуу Кыргызстандын АКШдагы элчилиги кабарлады.

Жарыктандыруу саат 22:30да башталып, 15 мүнөткө созулат. Аны Канада жана Америка Кошмо Штаттары тараптан көрсө болот.

Канадада жашаган кыргызстандыктар үчүн жолугушуу, «Кара-Жорго» флешмобу, гимнди аткаруу, ошондой эле комузда музыкалык номер уюштурулат. Жолугушуу жери – Table Rock Southeast Flagpole.

Маалыматка ылайык, иш-чара Монреалдагы «KG Québec-communauté kirghiz» кыргыз коомчулугунун демилгеси жана Niagara Parksтын колдоосу менен өткөрүлөт.

Scroll to Top