Бишкек-Ош жолунда эки унаа кагылышып, 3 адам каза болду. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, жол кырсыгы кечээ, 30-ноябрь күнү саат 23:00дөр чамасында Бишкек-Ош унаа жолунун 498-чакырымында, Ноокен районунун Кыпчак-Талаа айылында болгон. Анда Daewoo Nexia үлгүсүндөгү жана Mercedes Sprinter унааларынын кагылышкан.
Жол кырсыгынын натыйжасында бир адам каза болуп, дагы 2 киши ооруканада көз жумган. Мындан сырткары дагы 3 адам жаракат алып, Кочкор-Ата шаардык ооруканасына жаткырылган.
