Бүгүн, 9-августта балбан кыз Айсулуу Тыныбекова жана эркин күрөш боюнча балбан Айаал Лазарев Париждеги Олимпиада оюндарындагы таймашын баштайт.
Тыныбекова 62 кг салмакта күрөшөт. Ал 1/8 финалдагы биринчи беттешинде нигериялык Эстер Колаволе менен күч сынашат.
125 кг салмакта күрөшкөн Айаал Лазарев биринчи кармашында ирандык балбан Амир Хоссейн Заре менен кез келет. Ал да беттешти 1/8 финалдан баштайт.
Кармаштар саат 15:00до башталат.
