Бүгүн, 7-августка карата Париждеги Олимпиада оюндарында кыргызстандык спортчулар 1 күмүш жана 1 коло медаль алышты.

Күмүш байгени балбан кыз Мээрим Жуманазарова, ал эми колону грек-рим балбаны Жоламан Шаршенбеков алды.

Белгилүү болгондой, мамлекет Олимпиада байге алган спортчуларга акчалай сыйлык берилерин убада кылган.

Эми Олимпиаданын күмүш медалына кол жеткизген Мээрим Жуманазарова 7 млн сом, коло уткан Жоламан Шаршенбеков 5 млн сом сыйлык алат.

Ал эми алтын уткан спортчуларга 10 млн сом берилет.

https://reporter.kg/olimpiadada-bajge-algan-sportchularga-kancha-akchalaj-sylyk-berileri-ajtyldy/