Королёв атындагы Самар мамлекеттик университетинин жана Самарканд мамлекеттик университетинин базасында Орусия менен Өзбекстандын эл аралык археологиялык экспедициясы түзүлүүдө. Бул тууралуу Самар университети билдирди.

Маалыматка ылайык, долбоордун максаты – Амир Темирдин 1391-жылы Алтын Ордонун ханы Тохтамышка каршы жүргүзгөн аскердик жортуулун изилдөө.

Орусиядан, Өзбекстандан жана Казакстандан келген окумуштуулар жортуулдун багыты боюнча комплекстүү изилдөө жүргүзүшөт, анын ичинде:

• тарыхый ландшафтты изилдөө;
• дарыялардан өтүүчү жерлерди тактоо;
• коргонуу курулуштарынын калдыктарын издөө;
• жоокерлердин мүрзөлөрү болушу мүмкүн болгон жерлерди изилдөө.