Акыркы статистикалык маалыматтар боюнча Орусиянын миграциялык каттоосунда турган кыргызстандык жарандардын саны 377 миңге жетти. Бул тууралуу Тышкы иштер министрлигинин Консулдук департаментинин директорунун орун басары Бакыт Кадыров бүгүн, 26-августта, “Биринчи радиого” берген маегинде билдирди.

Ал эми эмгек келишимдердин саны 680 миңден 701 миңге чейин өстү. Кадыров бул сандар кыргызстандыктар барган сайын Орусияда жүрүүсүн мыйзамдаштырып жатканын тастыктап турганын белгиледи.

Эске салсак, Бакыт Кадыров 12-августта өткөн пресс-конференцияда Орусияда 352 миң кыргызстандык расмий каттоодо турганын айткан.