Ош шаарында 34 адам уюшкан кылмыштуу топтун мүчөсү катары тизмеде турат. Бул тууралуу шаардык милициянын басма сөз кызматы билдирет.
Маалыматка ылайык, 23-25-январь күндөрү «Бандит» аталыштагы алдын алуу иш чарасы өткөрүлүп, кылмыштуу топтун мүчөсү катары каттоодо турган 16 жаран алынып келинип, профилактикалык иш чаралар жүргүзүлгөн.
2019-жылы жалпысынан 16 кылмышиуу топтун мүчөсүнүн үстүнөн 23 ирет кылмыш иши тергелген. Натыйжада кылмыштуу топтун 8 мүчөсү кармалып, абакка киргизилген. Учурда бир адамдын үстүнөн сотко чейинки өндүрүш уланууда. Ал эми эми 9 адам Ош шаарынан чыгып кетишкен.
