Ош шаарындагы Араван каналына эки тестиер бала чөгүп кетти. Бул тууралуу Өзгөчө кырдаалдар министрлигинен билдиришти.
Ош шаарынын Күренкеев жана Алыкулов көчөлөрүнүн кесилишинде 8 жана 9 жаштагы эки бала Араван каналына түшүп кеткен. Аларды издөө үчүн ӨКМнын куткаруучулары тартылып, 9 жашар баланын жансыз денесин табышкан. Ал эми 8 жашар баланы издөө иштери бүгүн дагы улантылып жатат.
