Ош шаарында «Бий искусствосу-2023» аттуу бийчилердин эл аралык фестивалы өткөрүлөт. Бул тууралуу мэриядан билдиришти.
Фестиваль 16-17-18-19-август күндөрү өтөт. Ага Индия, Өзбекстан, Казакстан, Түркия жана Кыргызстандын эң алдынкы бий топтору катышат.
Иш-чаранын программасы:
16-август:
Саат 19:00дө эл аралык «Бий искусствосу-2023» фестивалынын катышуучулары борбордук аянтка чогулуп, Бабур театрына чейин жөө жүрүшкө чыгышат.
Саат 20:00дө фестивалдын ачылыш аземи башталат.
17-август:
Саат 19:00дө У. Салиева көчөсүндө жайгашкан аллеяда тургундар жана коноктор үчүн фестивалдын катышуучулары өнөрлөрүн тартуулашат.
18-август:
Саат 19:00дө А. Шакиров көчөсүндөгү «Глобус» соода борборунун алдында бий-концерт кайталанат.
19-август:
Саат 19:00дө Бабур театрынын алдында “Бий искусствосу-2023” фестивалынын жабылуу аземи өтөт. Жалпы катышуучулардын катышуусунда флешмоб тартууланат.
Биздин Телеграм каналга катталыңыз
