Ош шаарынын тургундары 1-августтан тарта кичи автобустардын кыймылын үйдөн чыкпай эле көзөмөлдөй алышат. Бул тууралуу мэриянын басма сөз кызматы билдирди.
Маалым болгондой, вице-мэр Сонунбек Жунусбаев коомдук транспортко спутниктик мониторинг системасын киргизүү долбоорунун жүрүшү менен таанышты.
OSHBUS атайын системасынын мобилдик тиркемесин орнотуп жаткан кичи автобустардын айдоочулары менен жолугушууда түшүндүрүү иштери жүргүзүлдү.
Бул системанын жардамы менен ар бир жүргүнчү үйдөн чыкпастан реалдуу убакыт режиминде ар бир кичи автобустун кыймыл убактысын көрө алат.
Муниципалитеттин маалыматы боюнча, 1-августка чейин бардык кичи автобустар системага кошулат.
