Ош— Бишкек жолун кеңейтүүгө байланыштуу 37 курулуш ээсине 67,8 миллион сом кенемте төлөнөт. Бул тууралуу шаардык мэрия кабарлады.
Маалыматка ылайык, Бишкек — Ош жолунун Ош шаарындагы Т. Турсунбаева көчөсү менен бириктирүүчү 599 метрлик төрт тилкелүү жолдун курулушу үчүн кызыл сызыктагы 37 курулуш бузулат.
Кенемте алуучулардын бешөө коммерциялык жайлардын ээлери. Төлөмдөр көз карандысыз баалоочулардын корутундусунун негизинде жүргүзүлөт. Каражат республикалык бюджеттен бөлүнөт.
Бул кадам жол инфраструктурасын жакшыртуу жана шаардык транспорт кыймылын оңдоо максатында ишке ашууда.
