Өзгөн райондук Салык кызматынын башчысы коррупцияга шектелип кармалды. Бул тууралуу Улуттук коопсуздук мамлекеттик комитети кабарлады.

Маалыматка ылайык, 2023-жылы райондук салык органы салык төлөөдөн качууга байланыштуу схеманы аныктаган. Бирок ага карабастан мекеме кызматкерлери мыйзам бузган субъекти менен кылмыштуу бүтүмгө келип, төлөнүүгө тийиш болгон салык суммасын атайылап азайтышкан.

Бул иш-аракеттердин натыйжасында мамлекетке өзгөчө ири өлчөмдө зыян келтирилген.

Шектүүгө Кылмыш-жаза кодексинин “Кызмат абалын кыянаттык менен пайдалануу” беренеси боюнча айып тагылууда. Учурда иш тергөөдө.