Оштун Өзгөн районунун Мырза-Арык айылында турак үйдөн өрт чыгып, анын кесепетинен 4 жаг бала каза тапты. Бул тууралуу Өзгөчө кырдаалдар министрлиги билдирди.

Маалыматка ылайык, окуя болгон жерге өрт өчүрүүчүлөр саат 02:00дө жөнөтүлгөн. Өрт саат 03:50дө толугу менен өчүрүлгөн.

Кырсыктын кесепетинен төрт бала каза болду:

• 2018-жылы туулган Т.Р.;
• 2020-жылы туулган Т.Б.;
• 2021-жылы туулган Т.А.;
• 2023-жылы туулган Т.М.

Учурда өрттүн келип чыгуу себептери такталууда. Тийиштүү кызматтар тарабынан тергөө иштери жүргүзүлүүдө.