•  +(996) 557 67 66 40
  •  press@reporter.kg
ЖАҢЫЛЫКТАРСАЯСАТ

Парламент депутаттарын таркап кетүүгө чакырышты

Бишкекте 20-ноябрда Конституциянын сунушталган жаңы долбоору боюнча “Жарандар бийликтин узурпациясына каршы!” деген жарандык коомдун чукул жыйыны өтүп жатат.

Жыйында парламенттин мурдагы вице-спикери Кубанычбек Исабеков Жогорку Кеңешти таркап кетүүгө чакырды:

“Азыр Жапаров суперпрезидент болгусу келип атат. Жаңы Баш мыйзамда парламент болот, бирок чечим кабыл албайт деп жазылып турат. Андай болсо, парламенттин эмне кереги бар? Биз азыр жардын кырында турабыз. Европа Биримдиги акча берүүдөн баш тартты. Азыр депутаттар келерки жылдын бюджетин бекитип, өзүн-өзү таратышы керек. Бул эң жеңил жол. Өлкө үчүн өзүн-өзү таратууга барыш керек”, – деп билдирди Исабеков.

Парламенттин мурдагы депутаты Исхак Масалиев Жогорку Кеңештин мөөнөтүн узартуу менен мыйзам бузулганын айтты.

“Парламенттин мөөнөтү 28-октябрда бүтөт. Салык төлөөчү катары мен бул парламентти баккым келбейт. Садыр Жапаровго жана тарапташтарына айткым келет, кандай келсе ошондой кетет. Мен президенттик башкаруунун жактоочусумун. Бирок азыркы жаңы долбоорду колдобойм”, – деди Масалиев.

Жогорку Кеңештин 80 депутатынын колу менен 17-ноябрда талкууга чыгарылган жаңы долбоорго ылайык, Кыргызстанда президенттин укуктары кеңейет, мамлекет башчы аткаруу бийлигин толук көзөмөлгө алат. Мамлекеттик башкарууга Элдик курултай деген жаңы институт киргизилет. Парламент депутаттарынын саны 90го чейин кыскартылат.

Бул долбоор жарыяланары менен жарандык коомдун, саясий ишмерлердин, укук коргоочулардын кескин сынына кабылды.

Сунушталган жаңылыктар
ЖАҢЫЛЫКТАРЭКОНОМИКА

Жогорку Кеңеш 6 млн 667 миң сомго ноутбук сатып алат

ЖАҢЫЛЫКТАРСАЯСАТ

Конституциялык кеңешменин курамына өзгөртүүлөр киргизилди

ЖАҢЫЛЫКТАРСАЯСАТ

Жапаров: Жаңы Конституциянын автору 80 депутат да мен дагы эмесмин  

ЖАҢЫЛЫКТАРЭКОНОМИКА

Министрлик: Депутаттар октябрда айлык алган жок, чыгым 99,4%га кыскарды

Комментарий кош

Сиздин э-почта сайтта көрсөтүлбөйт. Зарыл түрдө толтуруу керек болгондор *