Бүгүн, 5-декабрда Жогорку Кеӊештин «Ар кыл маселелер» саатында депутат Улан Примов декабрдын башында «Кумтөр» кенин иштеткен аймакта кен казуудан чыккан топурак-таш ташындылары көчүп, 2 жаран белгисиз бойдон калып, табылбай жаткан окуя тууралуу ой-пикирин ортого салды.
«Кен казуудан чыккан топурак-таш ташындылар экологияга канчалык таасир этет? Интернет булактарында адистер ар кандай кооптуу жагдайларды айтып чыгышууда. «Кумтөрдүн» келечеги кандай болот? Иштетүүдөн чыккан 170 куб метр топурак-таш ташындылары коркунуч жаратпайбы?», — деген собол салды эл өкүлү.
Примов келечекке көйгөй жаратышы мүмкүн болгон маселелер боюнча кенен талкуу болушу керектигин баса белгиледи.
«Кен иштетилип бүткөндөн кийинки акыбалды эске алуубуз керек»,- дейт депутат.
