Президент Садыр Жапаровдун Тажикстанга болгон мамлекеттик сапарынын алкагында бүгүн, 8-июлда, расмий документтерге кол коюу жана алмашуу аземи болуп өттү.

Сапардын жүрүшүндө Кыргызстан менен Тажикстандын ортосундагы кызматташууну чыңдоого багытталган 15 документке кол коюлду. Анын ичинде төмөнкүлөр бар:

• Президенттердин биргелешкен билдирүүсү;
• Ишеним чаралары боюнча макулдашуу;
• Өкмөттөр аралык кеңешти түзүү тууралуу макулдашуу;
• Геодезия, картография, кадастр, туризм, социалдык чөйрө, мамлекеттик кызмат, экология, телерадио жана башка тармактарда кызматташуу боюнча бир катар меморандумдар.

Ошондой эле Соода-өнөр жай палаталарынын ортосунда Ишкердик кеңеш түзүү тууралуу макулдашууга да кол коюлду.

Бул документтер эки өлкөнүн ортосундагы ар тармактуу байланыштарды жаңы деңгээлге көтөрүүгө багытталган.