Тоголок Молдонун 160 жана “Айтыш” коомдук фондунун 20 жылдыгына арналган айтыштын баш байгесин Идирис Айтбаев жеңип алды. Бул тууралуу аталган фонддон билдиришти.
Маалыматка ылайык, айтыштын финалдык бөлүгү 28-мартта өтүп, анда 12 акын күч сынашкан.
Айтыштын жыйынтыгы менен баш байгени Идирис Айтбаев, 1-орунду Баян Акматов, 2-орунду Акматбек Султан уулу жана 3-орунду Тынчтык Эсенбай уулу жеңди.
Белгилей кетсек, тандоо туру 26-март күнү өтүп, ага 42 акын катышкан. Натыйжада 12си финалдык бөлүккө жолдомо алышкан.
