Бишкекте өзгөчө кырдаал коркунучу жаралганда Жарандык коргонуу органдарынын аракеттерин баалоо боюнча үч күндүк республикалык команда-штабдык машыгуу жыйынтыкталды.

Өзгөчө кырдаалдар министрлиги билдиргендей, машыгуу пезиденти, Жарандык коргонуу башчысы Садыр Жапаровдун жарлыгын аткаруу максатында, Өзгөчө кырдаалдар министри Бообек Ажикеевдин таршырмасы менен өткөрүлдү.

Иш-чарада жер титирөө кырсыгына даярдык, жарандык коргонуу кызматтарынын өз ара аракеттенүүсү жана ыкчам жооп кайтаруу мүмкүнчүлүгү текшерилди.

Машыгуунун негизги максаты Жарандык коргонуу жаатындагы мамлекеттик саясатты ишке ашыруу жана мамлекеттик тутумдун натыйжалуулугун жогорулатуу болуп саналат.