“Ала-Арча” мамлекеттик резиденциясында өтүп жаткан парламент жыйынында Жогорку Кеңештин имаратын талкалагандарды жоопко тартуу сунушу көтөрүлдү.
Бул тууралуу депутат Кожобек Рыспаев билдирип, мындай көрүнүштөргө чара көрбөсө көнүмүшкө айланарын айтты.
Жыйында кесиптешинин сөзүнө каршы болгон депутат Зарылбек Зыралиев Жогорку Кеңештин имаратын 4-октябрдагы шайлоодо “Биримдик”, “Мекеним Кыргызстан” жана Кыргызстан” партияларынан талапкер болгондордун эсебинен жаңы Жогорку Кеңештин имаратын куруу сунушун киргизди. Ал ошондой эле Жогорку Кеңешти өрттөгөндөрдү жоопко тартууга каршы экенин кошумчалады.
Учурда жалпы жыйында Жогорку Кеңештин төрагалыгына Талант Мамытовдун талапкерлиги каралууда.
