Бүгүн, 28-январда жаңы шайланган президент Садыр Жапаров ант берди. Иш-чара Коомдук биринчи каналдан түз алып көрсөтүлдү.
Ант берүү аземи Токтогул Сатылганов атындагы Кыргыз улуттук филармониясында өттү.
Садыр Жапаров бүгүнтөн тарта президенттик кызматына расмий киришип баштайт.
Иш-чарага Кыргызстандын экс-президенттери Роза Отунбаева жана Сооронбай Жээнбеков баш болгон миңден ашуун конок келди.
Президенттик шайлоодо Жапаров 79,2% добуш алып, ишенимдүү жеңишке жетишкен.
