Сыргак Бердикожоев Мамлекеттик күзөт кызматынын төрагасы болуп дайындалды. Тиешелүү тескемеге өлкө башчы Садыр Жапаров кол койду. Бул тууралуу президенттин басма сөз кызматы 11-февралда кабарлады.

Эске салсак, кечээ, 10-февралда, Садыр Жапаров Күзөт кызматын УКМКнын карамагынан чыгарып, түздөн-түз Президентке баш ийген мекеме кылып кайра түзүү боюнча жарлыкка кол койгон. Мамлекеттик күзөт кызматы улуттук коопсуздукту камсыздоо тутумуна кирет жана «Мамлекеттик күзөт жөнүндө» мыйзамда белгиленген компетенциялардын чегинде ишмердүүлүк жүргүзөт.