Бишкекте Чыңгыз Айтматов проспектисинин Иса Ахунбаев көчөсүнөн Абсамат Масалиев проспектисине чейинки бөлүгү реконструкциядан кийин ачылды. Бул жер сентябрдын аягында жабылып, ачылышы кечээ, 24 ноябрда болду.

Жаңыланган жолдун жалпы узундугу 1 миң 560 метрди түзөт. Жолдун туурасы 22,5 метрге жетти — эски жолго ар бир тарабынан 6 метрден кошулган. Азыр ал жерде жер алдындагы жөө өтмөктү куруу жана аймакты абаттандыруу иштери уланууда. Абанын шартынан улам жашылдандыруу иштери жазга жылдырылган. Жолдун боюна 62 жарык чырак орнотулган.

Посмотреть эту публикацию в Instagram

Публикация от Reporter.kg (@reporter_kg)

Шаар тургундары бул аймакта бир да жөө өткөөлдүн жоктугуна нааразы. Реконструкцияга чейин бул жерде үчөө бар эле. Алардын айтымында, паркка жакын курулуп жаткан бир эле жер алдындагы өтмөк жетишсиз.