Кыргыз Республикасынын Салык кызматы өлкөдөгү салык кылмыштарына каршы күрөшүү максатында атайын башкармалык түзүүнү сунуштады.

Эгер сунуш колдоо тапса, жаңы түзүмдүн кызматкерлерине курал жана атайын каражаттарды алып жүрүүгө, колдонууга, ошондой эле зарыл учурларда «Укук коргоо органдарында кызмат өтөө жөнүндө» мыйзамдын алкагында күч колдонууга уруксат берилет.

Маалыматка ылайык, бул башкармалык аткезчилик, мыйзамсыз товар жүгүртүү жана башка салык мыйзамдарын бузуу фактылары менен күрөшөт.