Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти сасык тумоо, Курч респиратордук вирустук инфекция (КРВИ) жана коронавирустук инфекцияга чалдыгуу боюнча жума сайын мониторинг жүргүзүүдө. Бул тууралуу COVID-19га каршы күрөшүү боюнча республикалык штаб билдирди.
Маалыматка караганда, Жыл сайын күз-кыш мезгилинде республикада сасык тумоо жана КРВИ боюнча эпидемиологиялык абал курчуп баратат. Октябрдан тарта эпидемияга чалдыккандардын көбөйүшү байкалууда, оорунун эң жогорку чеги январдын ортосунан февралга чейин болот.
Мониторингдин акыркы маалыматтары боюнча үстүбүздөгү жылдын 42-жумасында (17.10-23.10.22) 2021-жылдын ушул мезгилине салыштырмалуу оорунун 39,7%га азайышы байкалган.
- Буга карабастан, өткөн жылдардагыдай эле (жана жумаларда) медициналык жардам сурап кайрылгандардын эң көп саны Бишкек шаарында – 43,8%, Чүй облусунда – 25% жана Ош шаарында жана Ош облусунда – 16,1% катталган.
Лабораториялык маалыматтарга ылайык, КРВИ оорусу риновирус, парагрипптин 1, 2, 3 жана 4 түрлөрү жана аденовирус сыяктуу курч респиратордук вирустук инфекциялардан келип чыгат.
Абанын температурасынын төмөндөшү адамдын ден соолугуна терс таасирин берип, иммундук системага таасирин тийгизип, организмдин коргонуу күчүн төмөндөтүп, адамды түрдүү респиратордук вирустук инфекцияларга кабылышы мүмкүн.
Туруксуз аба ырайы да курч респиратордук вирустук инфекциялардын уюшкан топтордо, мисалы, мектептерде, бала бакчаларда ж.б. өсүшүнө жана жугушуна шарт түзөт. КРВИ менен ооругандардын 65,4%ы 14 жашка чейинки балдар (3500дөн ашык учур).
