Кыргыз Республикасынын Өзгөчө кырдаалдар министрлиги 8-августта күтүлүп жаткан туруксуз аба ырайына байланыштуу Ысык-Көл жана Нарын облустарынын тоолуу жана тоо этектериндеги райондорунда сел жүрүшү мүмкүн экенин эскертет.

Негизги себептер, күтүлүп жаткан локалдык нөшөрлүү жаан-чачын, дарыяларда суунун деңгээлинин көтөрүлүшү.

ӨКМ жарандарды төмөнкү чараларды көрүүгө чакырат:

• Тоолуу райондорго жана дарыя жээктерине эс алууга баруудан баш тартуу;
• Арыктарды тазалап, суу өтүүчү жолдорду ачуу;
• Дарыя жээктерин бекемдөө жана таштанды таштабоо;
• Өзүңүздү же жакындарыңызды коркунучка кептеген кырдаал жаралса, дароо “112” кызматына кайрылыңыз. Чалуу акысыз жана күнү-түнү кабыл алынат.

“Сел коркунучун алдын алуу — ар бир жарандын жоопкерчилиги. Өзүңүздүн жана жакындарыңыздын коопсуздугу үчүн бул эскертүүнү көңүл сыртында калтырбаңыз”,-деп айтылат маалыматта.