Бүгүн, 19-июлда Кыргызстандын саламаттыкты сактоо министринин милдетин аткаруучу Жаркынбек Касымбеков менен Швейцариянын элчиси Оливье Бангертер швейцариялык жугуштуу эмес оорулардын алдын алуу жана башкаруу боюнча долбоорунун II фазасы жөнүндө макулдашууга кол коюшту. Бул тууралуу аталган ведомствонун басма сөз кызматы билдирди.
Саламаттык сактоо министрлигинин маалыматы боюнча, 2020-жылы жүрөк-кан тамыр оорулары өлүмдүн негизги себеби болуп, өлкөдөгү бардык өлүмдөрдүн 52%ын түзгөн, ал эми рак (10,8%) экинчи орунда туруп, андан кийин өпкө оорулары (6, 9%) болуп турган. Туура эмес тамактануу (өзгөчө тузду көп колдонуу, жашылча-жемиштерди жетишсиз колдонуу), тамеки чегүү, алкоголдук ичимдиктерди ашыкча ичүү жана физикалык активдүүлүктүн төмөндүгү жугуштуу эмес оорулардын эң кеңири таралган алдын ала турган тобокел факторлору болуп саналат.
2018-жылдан бери швейцариялык “Кыргызстандагы жугуштуу эмес ооруларды эффективдүү башкаруу жана алдын алуу” долбоору баштапкы медициналык-санитардык жардам системасын чыңдап, калктын ден соолугун чыңдоого салым кошууда. Кыргызстанда бул колдоону улантуу үчүн Швейцария өкмөтү долбоордун II фазасына 5 миллиондон ашык швейцариялык франк өлчөмүндө кошумча каражат бөлдү.
Саламаттыкты сактоо министрлигинин туруктуу колдоосу менен иштин курамына «Хелси Фьючер» коомдук бирикмеси (Кыргызстан), «GFA Consulting Group» GmbH (Германия) жана «Euro Health Group» (Дания) кирген уюмдардын консорциуму ишке ашырылат.
Долбоор 4 жыл ичинде Кыргызстандын Ош, Жалал-Абад, Баткен облустарын, ошондой эле Ош жана Бишкек шаарларын камтыйт.
