•  +(996) 557 67 66 40
  •  press@reporter.kg
ЖАҢЫЛЫКТАРОКУЯЛАР

Сокулук районунда таксистти мыкаачылык менен өлтүрүүгө шектелип, 3 жаран кармалды – сүрөттөр

Чүй облусттук криминалдык милиция кызматкерлери тарабынан Сокулук районунда таксистти мыкаачылык жол менен өлтүрүүгө шектелгендер кармалды. Бул тууралуу аталган облусттук ички иштер бөлүмүнүн басма сөз кызматынан билдиришти.

Маалыматка ылайык, Бишкекте жеке такси кызматтарында иштеген 24 жаштагы А.Ж. аттуу таксистти өлтүрүүгө шектелип, 3 жаран кармалды.

Буга чейин, Чүй облусунун Сокулук районунан алыс эмес Белек айылынан мыкаачылык менен өлтүрүлгөн таксисттин сөөгү табылганы маалымдалган.

Окуя ушул жылдын 12-мартында 130-берененин «Киши өлтүрүү» фактысы менен Кылмыштардын жана жооруктардын бирдиктүү реестрине катталып, Сокулук районунун Ички иштер бөлүмү кылмышка шектүүлөрдү издөө иштерин башташкан.

Тергөө иштеринин жыйынтыгында, таксистти өлтүрүүгө шектелип, 21 жаштагы Ж.Р., 24 жаштагы А.Б, жана 31 жаштагы П.Ж аттуу жарандар колго түшүрүлгөн. Шектүүлөрдүн экөө Бишкектен Талас облусуна из жашырып кетишкен. Алар учурда тергөө жайына жеткирилди.

Тергөөнүн алдын-ала жүрүшүндө маалым болгондой, шектүүлөр менен маркумдун ортосунда уруш чыккан. Учурда бардык керектүү экспертизалар дайындалып, алдын-ала тергөө өндүрүшү улантылууда.

Сунушталган жаңылыктар
ЖАҢЫЛЫКТАРОКУЯЛАР

ИИМ: Карантиндик талаптарды сактабаган 98 жаран жоопко тартылды

ЖАҢЫЛЫКТАРКООМ

Кайгуул милициясы велосипед тепкендерге кайрылды

ЖАҢЫЛЫКТАРКООМ

Сокулукта блокпостто турган аскер кызматкерин айдоочу унаасы менен сүзүп кеткен

ЖАҢЫЛЫКТАРОКУЯЛАР

ИИМ: обсервацияда чуу чыгаргандарга мыйзам чегинде чара көрүлөт

Комментарий кош

Сиздин э-почта сайтта көрсөтүлбөйт. Зарыл түрдө толтуруу керек болгондор *