Мамлекеттик бажы кызматынын төрагасынын экс-орун басары Райымбек Матраимов мамлекетке келтирилген зыяндын 2 миллиард сомун толугу менен төлөп берди. Бул тууралуу бүгүн, 24-декабрда маалымат жыйында Улуттук коопсуздук боюнча мамлекеттик комитетинин төрагасы Камчыбек Ташиев билдирди.
Анын айтымында, комитет кыска убакыттын ичинде эбегейсиз зор жумуштарды жүргүздү.
«Анын иши сотко өткөрүлөт. Бүгүнкү күндө ал 1 миллиард 400 миллион нак акча, 600 миллион сомду кыймылсыз мүлк түрүндө которду — бул тогуз батир жана бир соода борбору », — деди Ташиев.
