Татарстандык компания Кыргызстанга 10 миң ийне жалбырактуу дарактардын көчөттөрүн тапшырды. Бул тууралуу Жаратылыш ресурстар, экология жана техникалык көзөмөл министрлигинен билдиришти.
Жашыл көчөттөр Жаратылыш ресурстар министрлигинин Чүй облустук башкармалыгынын карамагына өткөрүлдү.
Бак-дарактар Чоң-Кемин паркынын, Фрунзе токой чарбасынын жана Чүй токой чарбасынын (Токмок) ортосунда бөлүштүрүлөт.
«Быйыл Татарстандан дагы 15 миң көчөт келүүсү күтүлүүдө», — деп билдиришти министрликтен.
Биздин Телеграм каналга катталыңыз
