Таттыбүбү Турсунбаеванын 75 жылдыгына карата кино жумалык өткөрүлөт. Бул тууралуу Кинематография департаментинен маалымдашты.
Маалыматка ылайык, жумалыкта Таттыбүбү Турсунбаева тартылган тасмалар көрсөтүлөт. Ошондой эле Турсунбаеванын каза болгон күнү эскерүү иш—чарасы өтөт. Иш-чара жакынкы күндөрү Бишкекте орун алат.
Белгилей кетсек, Таттыбүбү Турсунбаеванын көзү тирүү болгондо, быйыл 75 жашка чыкмак. Ал 37 жыл гана жашаган. Тактап айтканда, 1944-жылы 12-июлда төрөлүп, 1981-жылы 21-декабрда каза болгон.
