Былтыр “Тазалык” ишканасынын жылдык кирешеси 20 млн сомдон 60 млн сомго чейин өстү. Бул тууралуу Бишкек шаарынын вице-мэри Рамиз Алиев билдирди.

Анын айтымында, ишкана 126 даана тазалоочу техника сатып алды. Алар Кытайдан алынып келинет.

“Жаңы техниканын келиши “Тазалык” ишканасынын ишмердүүлүгүн кыйла жакшыртууга мүмкүндүк берет”, – деп билдирди ал.

Эске салсак, Рамиз Алиев 2022-жылдын декабрынан 2024-жылдын май айына чейин “Тазалык” ишканасынын директору болгон.