АКШнын президенти Дональд Трамп 3-дүйнө өлкөлөрүнөн келген миграцияны биротоло токтоторун билдирди. Бул тууралуу Truth Social соцтармагында билдирди.

Трамп бул чараны АКШнын системасы толук калыбына келиши үчүн жасаарын айтты. Ошондой эле ал АКШга пайда алып келбеген же өлкөнү сүйүүгө жөндөмсүз адамдардын баарын чыгарарын билдирди.

“Жарандыгы жок адамдарга берилген бардык федералдык жөлөк пулдарды жана субсидияларды токтотом. Ички тынчтыкты бузган мигранттарды жарандыктан ажыратам жана коомго жүк болгон, коопсуздукка коркунуч жараткан же Батыш цивилизациясынын баалуулуктарына шайкеш келбеген бардык чет элдик жарандарды депортациялайм”,- деди соцтармагында.

Дональд Трамп бийликке келгенден тарта өлкөдөгү миграциялык саясатты катаалдаткан. Ал АКШда мыйзамсыз жүргөн көптөгөн мигранттарды өлкөдөн депортациялаган. Алардын арасында кыргыз мигранттары да бар.