Улуттук коопсуздук мамлекеттик комитети Бишкек шаарындагы курулуш компанияларынын жетекчилери менен профилактикалык түшүндүрүү иштерин жүргүздү. Бул тууралуу мекеменин басма сөз кызматы билдирди.
Маалыматка ылайык, акыркы үч жылда курулуш аянтчаларында кырсыктар көбөйгөн:
— 2022-жылы бийиктиктен кулап түшүү боюнча 11 учур катталса
— 2023-жылы 73,
— 2024-жылы 172,
— 2025-жылдын алгачкы үч айында болсо 30дан ашык кырсык болгон.
УКМК курулуш тармагындагы коопсуздук талаптарын сактоонун маанилүүлүгүн белгилеп, төмөнкү себептерди көрсөттү:
Өмүрдү жана ден-соолукту сактоо,
Экономикалык жоготууларды азайтуу,
Өндүрүмдүүлүктү жогорулатуу,
Юридикалык жоопкерчилик,
Экологиялык жана коомдук коопсуздук.
Бул маселелер боюнча курулуш бизнесинин өкүлдөрүнө коопсуздук шарттарын түзүү жана алардын сакталышына кылдат көңүл буруу сунушталды.
