Никита Тарасенко диний касташууну козуткан иш-аракеттери үчүн күбө катары суракка алынган. Бул тууралуу УКМКнын басма сөз кызматы билдирет.
“Ал Фейсбуктагы баракчасы аркылуу Ислам динине болгон терс маанайдагы, мусулмандардын диний сезимине акарат келтирген материалдарды бир нече жолу жазган. Анын жазгандары интернет колдонуучулар арасында көптөгөн негативдүү пикирлерди жараткан” – деп жазылат маалыматта.
УКМК Тарасенконун жазгандары Кылмыштардын жана жоруктардын бирдиктүү реестрине катталып, кылмыштардын алдын алуу жана бөгөт коюууга багытталаган чаралар толугу менен мыйзамга ылайык жүргүзүлүп жатканын айтууда.
