Орусиянын Новосибирск облусунун Ордынс районундагы жол кырсыгынан 2 кыргыз жараны каза болду. Бул маалыматты окуянын күбөлөрү билдирди.
Маалыматка караганда, кырсык, 21-декабрь күнү кечке маал болгон.
Анда Daewoo Nexia үлгүсүндөгү унаа Новосибирсктен Бишкекти көздөй баратып, ToyotaTown Ace унаасы менен кагышкан.
Кырсыктын кесепетинен Daewoo Nexia`нын айдоочусу жана дагы бир жүргүнчү окуя болгон жерден каза болгон.
Орусиянын маалымат каражаттары кабарлагандай, каза болгон унаадагы айдоочу 31 жашта болгон. Ал эми экинчи унаадагылар ооруканага жеткирилген.
