.svg){kind=logo}
Жапониянын JICA агенттиги Баткен облусуна 43 жол техникасын бердиКыргызстан жана Россия мамлекеттик кызматкерлердин квалификациясын биргелешип жогорулатууга ниеттенүүдөЭдил Байсалов бийликтеги жараканын себептерин атап, президенттин айланасында биригүүгө чакырдыКыргызстан менен Иран кызматташтыкты кеңейтүүгө даяр экендиктерин ырасташтыКыргызстан менен Түркия товар жүгүртүүнү 5 млрд долларга жеткирүүнү жана БУУдагы кызматташтыкты чыңдоону пландаштырууда11-февралдан тарта ЕАЭБде жүк ташуулар үчүн навигациялык пломбаларды милдеттүү түрдө колдонуу тартиби киргизилет
Ысык-Көлдө өткөн EcoFest марафонунда жаңжал чыкты. Окуянын чоо-жайы
15.08.2025 | 16:41
Ысык-Көлдө өткөн EcoFest марафону учурунда жаңжал чыкты.
Амина Муктун айтымында, ал «Ак илбирстин изи менен» жарышына бир айдан ашык убакыт мурун катталып, уюштуруучулар Бөкөнбаев айылынан Карала-Арча жайлоосуна жеткирип берүүнү убада кылышкан.
Бирок 9-августта старттык комплектин алганы барганда, транспорт жок болуп чыкты. Уюштуруучуларга айтса, орой жооп алып, талаш-тартыш чыккан. Амина номерлерден баш тартып, полиция чакырылган.
10-августта ал стартка барганда, уюштуруучулар аны дисквалификация кылышканын айтышкан. Ошого карабай, Амина «өз жеринде чуркаганга эч ким тыюу салбайт» деп 10 чакырым аралыкты чуркап бүтүргөн.
Окуянын чоо-жайын уюштуруучулар болсо башкача түшүндүрөт. Туристтик агенттиктин жетекчиси Таалайбек Мамбеталиевдин айтымында, Амина өзүн агрессивдүү алып жүрүп, башка катышуучуларга терс маанай жараткан. Ошондуктан калыстар аны жарыштан четтеткен.
Окуянын видеосу соцтармактарга тарап, интернетте кызуу талкуу башталды. Кимиси туура, кимиси күнөөлүү экенин азыр интернет колдонуучулар талашып жатат.
Спорттук фестиваль спорт тууралуу эмес, эрежелер, сый-урмат жана кадыр-барк тууралуу талашка айланып кетти.
Рубрики: Жаңылыктар, Спорт
