Токтогул шаарында мүмкүнчүлүгү чектелген балдар үчүн жаңы реабилитациялык борбордун курулушу башталды. 29-ноябрда курулуштун жүрүшү менен курулуш министри Нурдан Орунтаев жеринде таанышып чыкты.

Борбордун аянты болжол менен 1,7 миң чарчы метрди түзөт.

Долбоорго ылайык, комплекс жер төлөөсү бар үч кабаттуу имараттан турат.

Пландоого ылайык, имарат функционалдык аймактарга бөлүнөт:

• биринчи кабатта кабыл алуу бөлүмү, медициналык процедуралар жана персонал үчүн кабинеттер, ата-энелер менен жолугушуу бөлмөсү жана ашкана жайгашат;
• экинчи жана үчүнчү кабаттарда палаталар, процедуралык бөлмөлөр, ошондой эле эркек балдар жана кыздар үчүн өз-өзүнчө санитардык жана жуунучу бөлмөлөр болот.

Имаратта мүмкүнчүлүгү чектелген балдардын ыңгайлуу жана коопсуз жүрүшү үчүн пандустар жана атайын жабдуулар каралат.

Объект УКМК төргасы Камчыбек Ташиевдин тапшырмасы менен курулууда. Курулуш иштерин Курулуш министрлигине караштуу «Кыргызкурулуш» ишканасы жүргүзүп жатат.