Балыкчы шаарынын кире беришине жаңы арканын курулушу жүрүүдө. Шаар мэриясынын маалыматында, арка «Ак кеме» формасында болот.

“Долбоордун негизги идеясы – улуттук сыймыгыбыз болгон «Ак кеме» формасында. Бул жөн гана арка эмес, шаарыбыздын символуна айланат”,- деп билдирди мэрия.

Арканын узундугу 59 метрди, ал эми бийиктиги 26 метрди түзөт. Балыкчы шаарынын мэри Баатырбек Жантаев курулушка барып, анын сапатын жана иштердин аткарылыш мөөнөттөрүн текшерген.

Эске салсак, шаардын кире беришиндеги эски арка былтыр, 2025-жылдын, апрелинде буздурулган.