Жалал-Абад шаарынын Шерматов көчөсүндөгү мунай иштетүүчү нефти базадан чыккан өрт толук өчүрүлдү. Бул тууралуу Өзгөчө кырдаалдар министрлиги билдирүү таратты.
Маалым болгондой, өрт тууралуу билдирүү саат 16:01де келип түшкөн. Окуя болгон жерге 6 өрт өчүрүүчү ыкчам топ тартылган. Тилсиз жоо саат 16:34тө чектөөгө алынып, саат 16:52де толук өчүрүлгөн.
Өрттүн кесепетинен жабыркагандар жана каза болгондор катталган эмес.
