Жаңы салына турган стадион үчүн Чүй облусунун Сокулук районундагы Орок айыл аймагында 20,78 гектар жер бөлүндү. Бул тууралуу Министрлер кабинетинин билдиришти.
Стадиондун курулушу үчүн бөлүнгөн жер айыл чарба багытындагы болгондуктан, ал өнөр жай, транспорт, байланыш жана энергетиканын жерлери категориясына котрулган.
Эскерте кетсек, жаңы стадиондун курулары тууралуу Азия кубогу — 2023 мелдешинин Бишкекте өткөн тандоо оюндары учурунда кабарланган. Жаңы стадион 22,5 миң кишиге ылайыкталып салынат. Азырынча стадиондун курулушу качан башталары белгисиз.
Азыркы футболдук беттештер үчүн колдонулуп жаткан Дөлөн Өмүзаков атындагы стадион 18,5 миң кишиге эсептелип, мындан 80 жыл мурда курулган.
