Министрлер кабинетинин төрагасы Акылбек Жапаровдун Азербайжандын премьер-министри Али Асадов менен телефон аркылуу сүйлөшүүсү болду. Бул тууралуу өкмөттүн басма сөз кызматы билдирди.

Маалыматка караганда, сүйлөшүүнүн жүрүшүндө тараптар Кыргызстандын президенти Садыр Жапаровдун Азербайжанга болгон иш сапарынын алкагында мамлекет башчыларынын ортосунда жетишилген макулдашууларды ишке ашыруунун жүрүшүн, ошондой эле соода-экономикалык кызматташуу маселелерин талкуулады.

Акылбек Жапаров Али Асадовду Кыргызстанга үстүбүздөгү жылдын 25-26-августунда Чолпон-Ата шаарында өтүүчү Евразиялык өкмөттөр аралык кеңешинин кезектеги жыйынына конок катары келип кетүүгө чакырды.

Бардык жаңылыктар Телеграм каналда