Бишкек шаарынын милициясынын Кайгуул кызматы ата-энелерге кайрылып, айдоочулук күбөлүгү жана унаа башкаруу тажрыйбасы жок өспүрүмдөргө унаа бербөөгө чакырды.

Кайгуул кызматынын маалыматын ылайык, бирок бул чакырыктар кээ бир учурларда натыйжа бербей келет.

Кезектеги рейд учурунда Кайгуул милициясынын кызматкерлери айдоочулук күбөлүгү жок 17 жаштагы кыздын унаа айдап бара жатканы аныктаган. Окуянын чоо-жайын аныктаганда, ага унааны ата-энеси берип, “дүкөнгө барып кел” деп жибергенин билдирген.

Натыйжада унаа айып короого токтотулуп, айдоочуга каршы протокол түзүлдү.

“Ата-энелерди жоопкерчиликти жогорулатууга жана айдоочулук укугу жок адамдарга унаа бербөөгө чакырат. Бир эле ката адам өлүмүнө алып келиши мүмкүн”,-деп айтылат маалыматта.