Ысык-Көл облусунун Жети-Өгүз районундагы мектеп-интернатынын мыйзамсыз менчиктештирилген имаратынын бир бөлүгүн мамлекетке кайтарылды. Бул тууралуу УКМК билдирди.

Маалыматка ылайык, 2003-жылы аталган мектеп-интернаттын аянты 468 кв.метрди түзгөн бир бөлүгү жана ага чектеш 4847 кв. метр жер тилкеси мыйзамсыз түрдө менчиктештирилип, ары жеке “Б” ишканасына сатылып кеткен.

Жүргүзүлгөн иштин натыйжасында менчик ээси мектеп-интернаттын имаратынын бир бөлүгүн жер участогу менен бирге ыктыярдуу негизде Жети-Өгүз районунун Барскоон айыл өкмөтүнө өткөрүп берген.