Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитети Ысык-Көлдөгү тоо чокуларынын бирин «Бириккен Улуттар Уюмунун чокусу» деп атоо тууралуу мыйзам долбоорун биринчи окууда колдоду.

Аталган чоку Ак-Суу районунун Кыдыр Аке айыл аймагында, Сары-Жаз тоо кыркасынын Түштүк Эңилчек мөңгүсүнүн аймагында жайгашкан (географиялык координаттары: B=42°13’56» L=79°47’37»). Анын бийиктиги 5576 метрди түзөт.

Бул мыйзам долбоору президенттин жарлыгынын негизинде жана Кыргызстан менен БУУнун өз ара алакасын арттыруу үчүн иштелип чыккан.

Документте айтылгандай, Кыргызстан БУУга 1992-жылы 2-мартта кирген. БУУ эл аралык абройлуу уюм болуп саналат. Кыргызстанга ар тараптуу колдоо көрсөтүп келет.