Жогорку Кеңештин төрагасы Нурланбек Тургунбек уулу Түрк мамлекеттеринин парламенттик ассамблеясынын (ТүркПА) Астана шаарында өтүп жаткан 14-пленардык жыйынына катышты. Иш-чара заманбап дүйнөдөгү парламенттик дипломатияга арналды.
Сессиянын жүрүшүндө миграция, билим берүү, экология жана энергетика тармагындагы моделдик мыйзамдар кабыл алынды. ТүркПАнын кезектеги, 15-жыйыны Кыргызстанда өтөт.
